थानकोट ।

नेपाली कांग्रेसले पार्टीको साङ्गठनिक निर्वाचन प्रक्रियालाई सहज र व्यवस्थित बनाउन सातै प्रदेशमा निर्वाचन संयोजक तोकेको छ।

कांग्रेस केन्द्रीय निर्वाचन समितिका संयोजक प्रेमबहादुर खड्काले प्रदेशस्तरमा निर्वाचनसम्बन्धी काममा सहजीकरण गर्न वरिष्ठ अधिवक्ताहरूलाई संयोजकको जिम्मेवारी दिएका हुन्।

समितिले जारी गरेको सूचनाअनुसार सम्बन्धित प्रदेशमा निर्वाचन प्रक्रियासँग सम्बन्धित आवश्यक राय, परामर्श तथा समन्वयका लागि संयोजकहरू तोकिएका हुन्।

यसैबीच, बाढी प्रभावित रसुवा, नुवाकोट र धादिङ जिल्लामा भने तोकिएका निर्वाचन अधिकृत तथा पार्टीका स्थानीय तहका निकायसँग आवश्यक समन्वय गरी अधिवेशन सम्पन्न गर्न समितिले निर्देशन दिएको छ।