एसीसी इमर्जिङ टिम्स एसिया कपः लगातार दोश्रो हारपछि नेपाल समुह चरणबाटै बाहिरियो
Thankot Times 
थानकोट ।
श्रीलंकामा जारी एसीसी इमर्जिङ टिम्स एसिया कप क्रिकेट प्रतियोगिताको उपाधि होडबाट नेपाल बाहिरिएको छ ।
सोमबार भारतसँग ९ विकेटको पराजय व्यहोरेसँगै नेपाल उपाधि होडबाट बाहिरिएको हो ।
लगातार दोस्रो जितसँगै भारत र पाकिस्तान प्रतियोगिताको नकआउट चरणमा प्रवेश गरेका छन् ।
भारत र पाकिस्तान दुबैको चार-चार अंक छ । नेपाल र यूएई हालसम्म अंकविहीन छन् ।
नेपालले समूहगत चरणको अन्तिम खेल बुधबार यूएईसँग खेल्नेछ ।
यूएई पनि प्रतियोगिताबाट बाहिरिइसकेको छ।
सोमबारको खेलमा टस जितेको नेपालले पहिले ब्याटिङ गर्दै ३९.२ ओभरमा अलआउट हुनुअघि एक सय ६७ रन बनाएको थियो । जवाफी ब्याटिङमा ओर्लिएको भारतले २२.१ ओभरमा केवल एक विकेट गुमाएर एक सय ७२ रन बनाउँदै विजयलक्ष्य पार गरेको थियो ।
भारतको एकमात्र विकेट कप्तान रोहित पौडेलले लिएका थिए ।
उनले ८७ रनमा भारतका ओपनर ब्याट्सम्यान अभिषेक शर्मालाई पेभेलियन फर्काएका थिए ।
ट्रेन्डिङ
