कस्तो रहला आज फूलपातीको दिनको माैसम ? माैसम पूर्वानुमान महाशाखाको भनाइ यस्तो छ
Thankot Times
२०८० कार्तिक ४ गते ६:३५
थानकोट ।
पश्चिमी वायुको आंशिक प्रभाव रहँदा आज बिहान देशको पहाडी भू-भागमा आंशिकदेखि सामान्य बदली रहेको छ ।
बाँकी भू-भागमा मौसम सामान्यतया सफा रहेको जल तथा मौसम विज्ञान विभागले जनाएको छ ।
आज दिउँसो देशको पहाडी भू-भागमा आंशिकदेखि सामान्य बदली रहनेछ । बाँकी भू-भागमा मौसम सामान्यतया सफा रहनेछ ।
कोसी प्रदेश,बागमती प्रदेश र गण्डकी प्रदेशको पहाडी भू-भागका एकदुई स्थानमा मेघगर्जन र चट्याङसहित हल्का वर्षाको सम्भावना रहेको छ ।
विभागका अनुसार राति देशको पहाडी भू-भागमा आंशिक बदली रहनेछ ।
बाँकी भू-भागमा मौसम सामान्यतया सफा रहनेछ ।
ट्रेन्डिङ
