सुनको मूल्य तोलाको २ हजार ६ सय रुपैयाँले वृद्धि
थानकोट ।
कारोबार हुने साताको पाँचाैं दिन बिहीबार नेपाली स्थानीय बजारमा बिहीबार सुन हालसम्मकै उच्च मूल्यमा कारोबार भएको छ ।
यस दिन छापावाल सुनको मूल्य तोलामा दुई हजार ६ सय रुपैयाँले बढेर एक लाख २७ हजार ८ सय रुपैयाँमा कारोबार भएको छ ।
सुनको मूल्य नेपालमा यो हालसम्मकै उच्च हो ।
आज तेजाबी सुन प्रतितोला एक लाख २७ हजार २ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
चाँदीको मूल्य पनि तोलामा ३५ रुपैयाँले बढेको छ ।
चाँदी प्रतितोला एक हजार ५ सय ५५ रुपैयाँमा कारोबार भएको महासंघले जनाएको छ ।