सुनको भाउ तोलामा २२ सय रूपैयाँले घट्यो
थानकोट ।
कारोबार हुने साताको पहिलो दिन आज आइतबार नेपाली स्थानीय बजारमा सुनचाँदीको मूल्य घटेको छ ।
नेपाल सुनचाँदी व्यवसायी महासंघका अनुसार आज सुन तोलामा २ हजार २०० रुपैयाँ घटेको छ ।
आइतबार छापावाल सुन प्रतितोला एक लाख ३६ हजार ८०० रुपैयाँमा कारोबार भइरहेको छ ।
अघिल्लो कारोबार दिन शुक्रबार उक्त सुन एक लाख ३९ हजार रुपैयाँमा कारोबार भएको थियो ।
त्यस्तै, तेजाबी सुन प्रतितोला एक लाख ३६ हजार १ सय ५० रुपैयाँमा कारोबार भइरहेको छ ।
आज चाँदीको मूल्य भने तोलामा ५० रुपैयाँ घटेको छ ।
चाँदी तोलामा एक हजार ७ सय रुपैयाँमा कारोबार भइरहेको महासंघले जनाएको छ ।