प्रतिनिधि सभाको बैठक बिहीबारसम्मका लागि स्थगित
Thankot Times
२०८२ असार ४ गते १३:०४
थानकोट ।
प्रतिनिधि सभाको बैठक बिहीबारसम्मका लागि स्थगित गरिएको छ ।
मंगलबार दिउँसो ४:३० बजेका लागि तय भएको बैठक सूचना टाँसेर स्थगित गरिएको थियो ।
अब बैठक बिहीबार बिहान ११ बजे बैठक बस्ने जनाइएको छ ।
मंगलबार बैठक सुरु भएको घोषणालगत्तै राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा)का सांसदहरूले उभिएर विरोध जनाएका थिए ।
त्यसपछि सभामुख देवराज घिमिरेले रास्वपा सांसद चन्दा कार्कीलाई बोल्न समय दिएका थिए । उनले बोलिसकेपछि रास्वपा र राप्रपाका सांसद फेरि उभिए ।
त्यसपछि नेपाली कांग्रेसका प्रमुख सचेतक श्याम घिमिरेले निलो रिबन लगाएर रास्वपाका सांसद बैठकमा सहभागी भएको भन्दै नियमापत्ति जनाए । उनलाई समय दिएलगत्तै रास्वपाका सांसदहरूले वेल घेराउ गरेका थिए ।
त्यसपछि सभामुखले ३० मिनेटका लागि बैठक स्थगित गरेका थिए ।
ट्रेन्डिङ
