आज विभिन्न संसदीय समितिहरुको बैठक बस्दै
Thankot Times 
थानकोट।
संघीय संसद अन्तर्गतका ३ वटा समितिको बैठक बस्दैछ ।
संघीय संसद सचिवालय सिंहदरबारमा ती बैठक बस्ने तय भएको हो ।
जसअनुसार कृषि, सहकारी तथा प्राकृतिक स्रोत समितिको बैठक मध्यान्ह १२ः३० बजेबाट सुरू हुनेछ ।
जुन बैठकमा भूमि सम्बन्धी केही नेपाल ऐनलाई संशोधन गर्न बनेको विधेयक, २०८२ का सम्बन्धमा संघ तथा प्रदेशस्थित सरोकारवाला मन्त्रालय, नेपाल नगरपालिका संघ, गाउँपालिका राष्ट्रिय महासंघ नेपाल, भूमि, वन तथा कानून क्षेत्रका विज्ञ व्यक्तित्वहरुसँग छलफल गरिनेछ ।
विधायन व्यवस्थापन समितिको बैठकमा भने पुरानै अजेन्डा जलस्रोत विधेयक, २०८१ माथि दफावार छलफल हुनेछ ।
जुन बैठक दिउँसो १ः०० बजेबाट सुरू हुनेछ ।
साथै, संघीयता सबलीकरण तथा राष्ट्रिय सरोकार समितिमा ऊर्जा, जलस्रोत तथा सिंचाई मन्त्रालय अन्तर्गतका राष्ट्रिय गौरवको आयोजनाहरुको कार्यान्वयन प्रगति अवस्था, समस्या, समस्या समाधानको लागि भएका प्रयासका बारेमा छलफल हुनेछ ।
यो बैठक बिहान ११ः०० बजेका लागि बोलाइएको छ।
ट्रेन्डिङ
