रसुवा बाढी घटनाको आज १३औं दिन, देशभर राष्ट्रिय शोक
Thankot Times
२०८३ भदौ २२ गते ७:१०
थानकोट ।
रसुवाको भोटेकोसी नदीमा आएको बाढीमा परेर ज्यान गुमाएकाहरूको सम्मान आज सोमबार देशभर राष्ट्रिय शोक मनाइँदै छ ।
गत बिहीबार बसेको मन्त्रिपरिषद्को बैठकले भदाै १० गते बाढीमा परेर ज्यान गुमाउनेहरूको सम्मान राष्ट्रिय शोक मनाउने निर्णय गरेको थियो ।
सरकारले आज नेपालभरका सरकारी कार्यालय तथा विदेशस्थित नेपाली दूतावास एवं नियोगहरूमा राष्ट्रिय झण्डा आधा झुकाउने निर्णय गरेको सरकारका प्रवक्ता एवं शिक्षा तथा खेलकुदमन्त्री सस्मित पोखरेलले जानकारी दिए ।
यही १० भदौमा रसुवाको भोटेकोसी हुँदै त्रिशूली र नारायणी नदीमा आएको बाढीमा परेर अहिलेसम्म १ हजार ३३९ जनाको मृत्यु भएको छ भने ४ हजारभन्दा बढी मानिस बेपत्ता छन् ।
बाढीले ठूलो भौतिक क्षति पनि गरेको छ ।
बाढी प्रभावित क्षेत्रमा अझैपनि खोज तथा उद्धारको कार्य जारी छ ।
ट्रेन्डिङ
