महाराजगञ्जमा स्कुटर दुर्घटना हुँदा चालकको मृत्यु
Thankot Times
२०७९ असोज २० गते १३:३०
थानकोट ।
महाराजगञ्जमा स्कुटर दुर्घटना हुँदा चालकको मृत्यु भएको छ ।
नारायणगोपाल चोकबाट शितल निवासतर्फ जाँदै गरेको बा ४२ प ३३१४ नम्बरको स्कुटर ट्राफिक आइल्याण्डमा ठोक्किएर दुर्घटना हुँदा नुवाकोटको शिवपुरी गाउँपालिका-४ का २० वर्षीय आनन्द गुरुङको मृत्यु भएको प्रहरीले जनाएको छ ।
गम्भीर घाइते भएका उनको उपचारका क्रममा शिक्षण अस्पताल महाराजगञ्जमा मृत्यु भएको हो ।
स्कुटरको पछाडि सवार दोलखा घर भएका २० वर्षकै सचिन तामाङ घाइते भएका छन् ।
उनको शिक्षण अस्पताल महाराजगञ्जमा उपचार भइरहेको छ ।
ट्रेन्डिङ
