शंखरापुरमा विमान थिङलाई भालुले टोक्यो
Thankot Times
२०७९ असोज २२ गते १३:१५
थानकोट ।
जंगली भालुको आक्रमणबाट एक पुरुष घाइते भएका छन्।
महानगरीय प्रहरी परिसर काठमाडौंका प्रवक्ता एसपी दिनेश मैनालीका अनुसार शंखरापुर नगरपालिका वडा नम्बर ८ घुमारिचोकका विमान थिङ भालुले टोकेर घाइते भएका हुन्।
विमानलाई शनिबार बिहान अन्दाजी ९ बजेतिर भालुले आक्रमण गरेको उनले बताए।
भालुले टोकेर घाइते भएका ५२ वर्षीय विमानको नेपाल मेडिकल कलेज, जोरपाटीमा उपचार भइरहेको छ।
उनको टाउको र बायाँ हातको पाखुरामा चोट लागेको एसपी मैनालीले बताए।
ट्रेन्डिङ
