तीव्रगतिमा हुँइकिएका दुई मोटरसाइकल ठोक्किँदा दुवै मोटरसाइकलका चालकहरुको मृत्यु
Thankot Times 
थानकोट ।
दुई वटा मोटरसाइकल आपसमा ठोक्किँदा झापामा भयानक दुर्घटना भएको छ ।
सोमबार साँझ बिर्तामोड नगरपालिका-२ स्थित बेलडाँगीमा दक्षिणबाट उत्तर तर्फ आउँदै गरेको मे ५ प १६०४ नम्बरको मोटरसाइकल र विपरीत दिशाबाट जाँदै गरेको मे ३ प ५५८० नम्बरको मोटरसाइकल एकापसमा ठोक्किएको प्रहरीले जनाएको छ ।
दुर्घटनामा मे ३ प ५५८० नम्बरको मोटरसाइकल चालक झापा बाह्रदशीका अनिस साउदेन र मे ५ प १६०४ नम्बरका मोटरसाइकल चालक सोही स्थानका भोलाराज भुजेल, उनकी श्रीमती चन्द्रकला र छोरी प्रशना भुजेल घाइते भएकामा बीएण्डसी अस्पतालमा उपचारको क्रममा दुवै मोटरसाइकल चालकहरुको मृत्यु भएको प्रहरी नायब उपरीक्षक बसन्त पाठकले जानकारी दिए ।
घाइते दुई जनाको अहिले बीएण्डसीबाट बिर्तामोड सिटी अस्पतालमा पठाइएको छ । मोटरसाइकल तीव्र गतिमा हुँदा दुर्घटना भएको बताइएको छ । प्रहरीले घटनाबारे अनुसन्धान भइरहेको जनाएको छ ।
ट्रेन्डिङ
