थानकोट । 

आईसिसी विश्वकप लिग-२ अन्तर्गत बिहीबार हुने नेपाल र यूएईबीचको खेलमा टिकट बिक्रीबापत उठेकाे सबै पैसा खेलाडी कल्याणकारी कोषमा जम्मा हुने भएको छ ।

नेपाल क्रिकेट सङ्घ (क्यान) ले नेपाल र यूएईबीचको सो खेलका लागि टिकट बिक्रीबाट आउने सबै पैसा कल्याणकारी कोषमा जम्मा गर्ने निर्णय गरेको हो । कल्याणकारी कोषको रकम खेलाडीको हित र अत्यावश्यक काममा खर्च हुने गरेको छ ।

विश्व कप क्रिकेट लिग-२ अन्तर्गत बिहीबार नेपालले अन्तिम खेलमा यूएईसँग खेल्दैछ । भोलि यूएईलाई हराउन सकेमा नेपाल सिधै विश्व कप क्वालिफायरमा पुग्नेछ ।