ललितपुरमा एकाबिहानै यात्रु बस पल्टियो
Thankot Times
२०८० असार २ गते ८:११
थानकोट ।
ललितपुरमा शनिबार बिहानै यात्रु बस दुर्घटना भएको छ ।
आज बिहान लामाटारबाट लगनखेलतर्फ आउँदै गरेको बा२ख ८५८३ नम्बरको बस महालक्ष्मी नगरपालिका-१ बाहुनधारामा दुर्घटना भएको हो ।
अनियन्त्रित भई बस सडकमै पल्टिंदा चालकसहित केही व्यक्ति घाइते भएको इमाडोल प्रहरी प्रभागले जानकारी दिएको छ ।
प्रहरीका अनुसार बसमा २४ जना सवार थिए । तर, दुर्घटनामा घाइतेहरू संख्या र पहिचान यकिन भइनसकेको प्रहरीको भनाइ छ ।
घाइतेहरूलाई उद्धार गरी उपचारका लागि बी एण्ड बी अस्पतालमा पुर्याइएको छ ।
तस्वीर : पूर्णप्रसाद श्रेष्ठको फेसबुकबाट
ट्रेन्डिङ
