नेपालमा माउन्टेन फ्लाइटमा रोक
Thankot Times
२०८० असार २८ गते १०:१६
थानकोट ।
मनाङ एयरको हेलिकप्टर दुर्घटनामा परेपछि नागरिक उड्ययन प्राधिकरणले हेलिकप्टरहरुको उडानमा कडाइ गरेको छ ।
बुधबार एक सूचना जारी गर्दै क्यानले उद्धार उडानलगायत हेलिकप्टर सञ्चालनका लागि अनुमति जारी गर्ने तर मनसुन अवधिमा माइन्टेन फ्लाइट (हिमाली उडान) मा रोक लगाउने निर्णय गरेको छ ।
यस्तै हेलिकप्टरबाट पुष्पवृष्टि जस्ता गैरअत्यावश्यक उडानहरू पनि सेप्टेम्बरसम्म प्रतिबन्धित गर्ने क्यानले निर्णय गरेको छ ।
कम्पनीमा शेयर भएका उडान चालक दलले सबै प्रकारका व्यावसायिक उडानहरूको लागि इजाजतपत्रको विशेषाधिकार प्रयोग गर्न नपाउने पनि क्यानले निर्णय गरेको छ ।
सोलुखुम्बुबाट काठमाडौँका लागि उडेको मनाङ एयरको हेलिकप्टर मंगलबार बिहान दुर्घटना हुँदा पाइलट र पाँच यात्रुको मृत्यु भएको थियो ।
ट्रेन्डिङ
