थानकोट ।

प्रहरी प्रभाग बलम्बुले चन्द्रागिरि नगरपालिका- ८ मातातीर्थबाट तास खेलिरहेका ८ जनालाई नियन्त्रणमा लिएको छ।

केन्द्रीय प्रहरी समाचर कक्षका अनुसार मातातीर्थस्थित कंचन बस्तीबाट जुवातास खेलिरहेको अवस्थामा सोही ठाउँ बस्ने ७५ वर्षीय वृद्धसमेत ८ जनालाई आइतबार साँझ प्रहरीले पक्राउ गरेको हो ।

प्रहरी प्रभाग बलम्बुबाट खटिएको प्रहरीले उनीहरूलाई नगद ३४ हजार ८ सय ३० रूपैयाँ र ६ बुक ताससहित पक्राउ गरेको बताइएको छ ।

पक्राउ परेका व्यक्तिहरूका सम्बन्धमा प्रहरीले आवश्यक अनुसन्धान गरिरहेको छ ।

एआई जेनेरेटेड इमेज