थानकोट ।

नेपाल बैंक लिमिटेडका पूर्वअध्यक्ष डा. चन्द्रबहादुर अधिकारीविरुद्ध तीनवटा भ्रष्टाचारको मुद्दा दायर भएको छ ।

उनीविरुद्ध अख्तियार दुरुपयोग अनुसन्धान आयोगले सोमबार विशेष अदालतमा तीनवटा मुद्दा दर्ता गरेको हो ।

अधिकारीमाथि कर्जा प्रवाहका क्रममा घुस र कमिसन लिएको लगायत आरोप छन् ।

उनले आफ्ना चालक उमेश महर्जनमार्फत ऋणीहरूबाट कर्जाबापत कमिसन संकलन गरेको अनुसन्धानबाट पत्ता लागेको अख्तियारको दाबी छ ।

अख्तियारले गत वर्ष माघ २९ गते अधिकारीलाई नियन्त्रणमा लिएर अनुसन्धान सुरु गरेको थियो ।

अख्तियारको छानबिनपछि नेपाल राष्ट्र बैंकले पनि अधिकारीमाथि कारबाही गरेको छ ।

अख्तियारले नियन्त्रणमा लिएर अनुसन्धान सुरु गरेपछि राष्ट्र बैंकले अधिकारीलाई अध्यक्षबाट हटाउन नेपाल बैंक लिमिटेडको सञ्चालक समितिलाई निर्देशन दिएको थियो ।

त्यसपछि उनी बैंकको अध्यक्ष पदबाट हटाइएका थिए ।