आउँदो शनिबार नैकापमा वृक्षारोपण गरे लगत्तै प्रधानमन्त्री ओली स्पेन उड्ने तालिका
Thankot Times 
थानकोट ।
प्रधानमन्त्री केपी शर्मा ओली युरोपेली मुलुक स्पेनको औपचारिक भ्रमणका लागि नेपाली प्रतिनिधिमण्डलको नेतृत्व गर्दै आगामी शनिबार त्यसतर्फ जाँदै छन् ।
प्रधानमन्त्री ओलीले स्पेनको औपचारिक भ्रमणका क्रममा त्यहाँ यही असार १६ देखि १९ गतेसम्म आयोजना हुने ‘विकासका लागि वित्तसम्बन्धी चौथो अन्तरराष्ट्रिय सम्मेलन’मा भाग लिनेछन् प्रधानमन्त्रीको औपचारिक भ्रमणको सम्पूर्ण तयारी पूरा भएको र स्वागतका लागि स्पेनस्थित नेपाली समुदाय आतुर र उत्साहित रहेको स्पेनका लागि नेपाली राजदूत शनिल नेपालले जानकारी दिएका छन् ।
भ्रमणका क्रममा प्रधानमन्त्री ओलीले आफ्ना समकक्षीसँग द्विपक्षीय भेटवार्ता गर्ने कार्यक्रम छ । भेटका क्रममा सहयोग र सम्बन्ध विस्तारसम्बन्धी केही महत्त्वपूर्ण विषयमा नेपाल र स्पेनबीच सहमतिपत्रमा हस्ताक्षर गर्ने कार्यक्रम समेत राखिएको छ ।
प्रधानमन्त्रीले भ्रमणकै क्रममा स्पेनमा रहेका नेपाली समुदाय र स्पेनिस उद्योगी व्यवसायीसँग पनि अन्तत्र्रिmया गर्नेछन् । भ्रमणका क्रममा प्रधानमन्त्रीको अन्य द्विपक्षीय भेटघाट समेत हुने दूतावासले जनाएको छ ।
नेपाल र स्पेनबीच सन् १९६८ मे १३ मा कूटनीतिक सम्बन्ध स्थापना भएको थियो । स्पेनको दूतावास नभएकाले दिल्लीस्थित दूतावासले नेपाल हेर्दै आएको छ ।
ट्रेन्डिङ
