महिला युरो कप-२०२५ को उपाधि इङ्ग्ल्याण्डलाई, स्पेन पेनाल्टी सूटआउटमा स्तब्ध
Thankot Times
२०८२ साउन १२ गते ६:४६
थानकोट ।
पेनाल्टी सुटआउटमा स्पेनमाथि ३-१ को जित निकाल्दै इंग्ल्यान्डले लगातार दोस्रोपटक महिला युरोपियन च्याम्पियनसिपको उपाधि जितेको छ ।
आइतबार स्वीट्जरल्यान्डमा सम्पन्न फाइनलमा खेलको निर्धारित र अतिरिक्त समय १-१ को बराबरीमा सकिएपछि नतिजाको निर्णय पेनाल्टी सुटआउटबाट भएको हो ।
जहाँ पेनाल्टीमा स्पेनका चारमध्ये एक प्रहारमात्र गोलमा परिणत भयो । यता, इंग्ल्यान्डका पाँचमध्ये तीन खेलाडीले गोल गरे ।
प्रतियोगितामा स्पेनले जर्मनीलाई १-० ले हराउँदै फाइनल यात्रा तय गरेको थियो ।
इंग्ल्यान्डले भने इटालीविरुद्ध २-१ को जित निकालेको थियो ।
प्रतियोगितामा १६ राष्ट्रको सहभागिता रहेको थियो ।
इङ्ग्ल्याण्ड फुटबल टिम
ट्रेन्डिङ
