चन्द्रागिरिकै पहिलो क्याम्पस स्थापना भएको ३७ वर्ष पूरा
Thankot Times
२०८२ भदौ १ गते २०:३१
थानकोट ।
काठमाडाैंको पश्चिम क्षेत्रमा क्याम्पस स्थापना भएको ३७ वर्ष पूरा भएको छ ।
यस क्षेत्रकै पहिलो क्याम्पस थानकोटस्थित मंगलोदय बहुमुखी क्याम्पसले आइतबार स्थापनाको ३७औं वार्षिकोत्सव मनाएको हो ।
२०४५ सालमा स्थापना भएको क्याम्पस थानकोट क्षेत्रको पहिलो क्याम्पस हो ।
स्नातक तहमा मानविकी र व्यवस्थापन संकाय अध्ययन अध्यापन भइरहेको क्याम्पसमा गतवर्षबाट व्यवस्थापन संकायमा स्नातकोत्तर तहमा समेत पठन पाठन सुरु भएको क्याम्पसले जनाएको छ ।
क्याम्पसमा कक्षा ११ देखी स्नातकोत्तर तहसम्म हाल ४ सय जना भन्दा धेरै विद्यार्थीहरू अध्ययनरत रहेको क्याम्पसका प्रमुख गोकुल प्रसाद सिग्देलको भनाइ छ । क्याम्पसमा २५ जना शिक्षक, कर्मचारी कार्यरत छन् ।
चन्द्रागिरि नगरमा काठमाडाैं शिक्षा क्याम्पस तथा गणेशमानसिंह प्राविधिक शिक्षालयसहित ३ वटा क्याम्पस सञ्चालनमा छन् ।
ट्रेन्डिङ
