नैकापबाट समातिएका कर्मचारीविरुद्ध मुद्दा दायर
Thankot Times 
थानकोट ।
अख्तियार दुरूपयोग अनुसन्धान आयोगले नापी कार्यालय कलंकीका कार्यालय सहयोगी एकेन्द्रबहादुर कुँवरविरुद्ध भ्रष्टाचार मुद्दा दायर गरेको छ।
पुरानो नैकापमा कार्यरत कार्यालय सहयोगी कुँवरले चन्द्रागिरि नगरपालिका- १३ मा रहेको जग्गा हालसाविक गरी नयाँ पूर्जा बनाउने प्रयोजनका लागि सेवाग्राहीसँग १३ हजार रुपैयाँ घुस लिएको पुष्टि हुन आएपछि आयोगले आज विशेष अदालत काठमाडौंमा आरोप- पत्र दायर गरेको हो।
आयोगका प्रवक्ता राजेन्द्र कुमार पौडेलले जग्गाधनी प्रमाणपूर्जा उपलब्ध गराउन आवश्यक सहजीकरण गरिदिने भनी सेवाग्राहीसँग १३ हजार घुस लिएको देखिएकाले कार्यालय सहयोगी कुँवरविरुद्ध भ्रष्टाचार मुद्दा दायर गरेको बताए।
नापी कार्यालय कलङ्कीका कार्यालय सहयोगी नैकापबाट १३ हजार रुपैयाँ घुससहित समातिए
कुँवरलाई भ्रष्टाचार निवारण ऐन २०५९ को दफा ३ को उपदफा (१) बमोजिमको कसूरमा १३ हजार विगो कायम गरी जरिवाना र सजाय माग दावी गरिएको आरोप- पत्रमा उल्लेख छ।
ट्रेन्डिङ
