त्रिदेशीय मैत्रीपूर्ण महिला फुटबल: नेपालले आज इरानको सामना गर्दै
Thankot Times
२०८२ कार्तिक ७ गते ७:२६
थानकोट ।
नेपाल, भारत र इरान सम्मिलित त्रिदेशीय मैत्रीपूर्ण फुटबलअन्तर्गत नेपालले आज शुक्रबार इरानसँग प्रतिस्पर्धा गर्दै छ ।
खेल भारतको सिलोङस्थित जवाहारलाल नेहरु रंगशालामा नेपाली समयानुसार बेलुका ६ः१५ बजे सुरु हुनेछ ।
नेपालले प्रतियोगितामा पहिलो खेल खेल्न लागेको हो ।
उद्घाटन खेलमा यसअघि इरानले घरेलु टिम भारतलाई २–० ले पराजित गरेको थियो ।
बिहीबार मैत्रीपूर्ण फुटबलको ट्रफी अनावरण गरिएको थियो ।
प्रतियोगितामा हरेक टिमले दुई खेल खेल्नेछन् ।
शीर्ष टिमलाई विजेता घोषणा गरिनेछ ।
प्रतियोगिताका लागि नेपाली टोली बुधबार भारत पुगेको थियो ।
ट्रेन्डिङ
