थानकोट ।

हङकङ सिक्सेसमा नेपालको यात्रा समाप्त भएको छ । आज बिहान यूएईसँग पराजित भएसँगै नेपालीको यात्रा समाप्त भएको हो ।

आज बिहान भएको खेलमा नेपाल यूएईसँग ४३ रनले पराजित भयो ।

यूएईले दिएको १३० रनको लक्ष्य पछ्याएको नेपालले निर्धारित ६ ओभरमा ४ विकेट गुमाएर ८६ रन मात्रै बनायो । 

नेपालका मोहमद आदिल आलमले ३२, सन्दीप जोराले ३१, बसिर अहमदले ८, लोकेश बमले ७ र राशिद खानले ६ रन प्रहार गरे । रुपेश सिंह शून्य रनमा आउट भए ।

त्यसअघि पहिला ब्याटिङ गरेको यूएईले निर्धारित ६ ओभरमा सबै विकेट गुमाएर १२९ रन बनाएको थियो ।

यूएईका निलांश केसवानीले ५० र जाहिल अलीले ३० रन प्रहार गरे ।