कीर्तिपुरमा बर्डफ्लु पुष्टि, कुखुरा तथा दाना ओसारपसार नगर्न सार्वजनिक सूचना
Thankot Times
२०८२ चैत ११ गते ६:१७
थानकोट ।
कीर्तिपुरमा मृत फेला परेका कागमा बर्डफ्लु पुष्टि भएको छ ।
कीर्तिपुर नगरपालिका तथा पशु स्वास्थ्य विभागको संयुक्त टोलीले त्रिभुवन विश्वविद्यालय परिसरमा ६८ काग मृत फेला पारेको थियो ।
ती मध्ये १० वटामा परीक्षण गर्दा बर्डफ्लु भेटिएको हो । ”त्यहाँ अझै मरेका काग भेटिएका छन् । मरेका सबै काग संकलन गर्न कसिएको छैन,” नगरपालिकाकी पशुसेवा प्रमुख सुशीला गैरेले बताइन् ।
मरेका कागमा एचफाइभ एन वान र एच नाइन दुवै भाइरस देखिएको पशुसेवा विभागका वरिष्ठ पशु चिकित्सक मुकुल उपाध्यायले बताए ।
नगरपालिकाले मरेका ६८ कागलाई पुरेको छ । कागमा बर्डफ्लु पुष्टिपछि कुखुरा तथा दाना ओसारपसार नगर्न नगरपालिकाले सार्वजनिक सूचना समेत जारी गरेको छ ।
ट्रेन्डिङ
