आजदेखि त्रिभुवन विमानस्थल दैनिक ६ घण्टा ४५ मिनेट बन्द हुँदै, यस्तो छ कारण
Thankot Times
२०८३ वैशाख ७ गते १६:२३
थानकोट ।
त्रिभुवन अन्तर्राष्ट्रिय विमानस्थल खुला गरिने समय घटाइएको छ ।
सोमबार (वैशाख ७)देखि आउँदो जेठ ४ गतेसम्म थप एक घण्टा ४५ मिनेट विमानस्थल बन्द गरिने भएको हो ।
यो अवधिमा राति ११ः४५ देखि भोलिपल्ट बिहान ६ः३० बजेसम्म विमानस्थल बन्द गरिने नेपाल नागरिक उड्ड्यन प्राधिकरणका सूचना अधिकारी ज्ञानेन्द्र भुलले जानकारी दिए । विमानस्थल यसअघि राति १ देखि बिहान ६ बजेसम्म बन्द गर्ने गरिएको थियो ।
“वैशाख ७ गतेदेखि २७ दिनको लागि ६ घण्टा ४५ मिनेट बन्द हुनेछ,” उनले भने, “विमानस्थलको रनवे विस्तारको लागि बन्द हुने समय थप भएको हो ।”
दक्षिणतर्फको ट्याक्सी वे र ह्यांगर क्षेत्रमा निर्माण कार्य गर्नुपर्ने भएकाले थप एक घण्टा ४५ मिनेट विमानस्थल बन्द गर्न लागिएको उनले बताए ।
ट्रेन्डिङ
