सुदूरपश्चिमका मुख्यमन्त्री भट्टले पाए विश्वासको मत
Thankot Times
२०८३ भदौ ३ गते १६:२०
थानकोट ।
सुदूरपश्चिमका मुख्यमन्त्री खगराज भट्टले विश्वासको मत पाएका छन् ।
बुधबार प्रदेशसभा बैठकमा ४६ जना प्रदेश सांसद सहभागी रहेकोमा मुख्यमन्त्री भट्टको पक्षमा ३१ र विपक्षमा १५ मत खसेको छ ।
प्रदेशसभामा सरकारको नेतृत्व गरिरहेको नेकपाका २० र एमालेका ११ जना प्रदेशसभा सदस्यले पक्षमा मत दिएका छन् ।
कांग्रेसका १४ र राप्रपाका एक सांसदले विपक्षमा मतदान गरेका छन् ।
कांग्रेसका तीन सांसद भने बैठकमा सहभागी थिएनन् ।
नेकपा संसदीय दलका नेता भट्ट शुक्रबार सुदूरपश्चिमको पाँचौँ मुख्यमन्त्री नियुक्त भएका थिए ।
एमाले र नेकपाबीच सत्ता साझेदारीको सहमति भएपछि अल्पमतमा परेका कांग्रेसका कमलबहादुर शाहले बिहीबार मुख्यमन्त्री पदबाट राजीनामा दिएका थिए ।
ट्रेन्डिङ
