थानकोट ।

चन्द्रागिरि नगरपालिकाको स्वास्थ्य शाखाबाट गत आर्थिक वर्ष (२०८२/८३) मा सम्पादन भएको कार्यमा काठमाडाैं जिल्लाभित्र उत्कृष्ठ भएको मूल्यांकन भएको छ ।
काठमाडौं जिल्लाका ११ स्थानीय तहमध्ये चन्द्रागिरि नगरपालिका स्वास्थ्य सेवाका विभिन्न सूचकहरूको मूल्याङ्कनमा प्रथम स्थान हासिल गर्न सफल भएको हो ।
बागमती प्रदेश सरकार, स्वास्थ्य तथा सामाजिक विकास मन्त्रालयअन्तर्गत स्वास्थ्य निर्देशनालय तथा जनस्वास्थ्य कार्यालय काठमाडौंले आर्थिक वर्ष २०८२/०८३ को जिल्लास्तरीय वार्षिक समीक्षा गरेको थियो ।

उक्त समीक्षामा निर्धारित स्वास्थ्य सेवासम्बन्धी विभिन्न सूचकहरूको आधारमा मूल्याङ्कन गर्दा चन्द्रागिरि नगरपालिका काठमाडौं जिल्लाकै पहिलो स्थानीय तह बन्न सफल भएको हो ।

जनस्वास्थ्य कार्यालय काठमाडौको आयोजनामा काठमाडौ जिल्ला अन्तर्गतका स्थानीय तहहरुको आर्थिक बर्ष २०८२/८३ मा सम्पादित स्वास्थ्य कार्यक्रम तथा स्वास्थ्य क्षेत्रको समग्र मुल्यांकन गर्दा चन्द्रागिरि नगरपालिका ले ७५ प्रतिशत अंक प्राप्त गर्दै प्रथम भएको हो ।