रूपन्देही क्षेत्र नम्बर ३ मा गृहमन्त्री खाण पराजित
Thankot Times
२०७९ मंसिर १० गते १८:४५
थानकोट ।
गृहमन्त्री बालकृष्ण खाणले मंसिर ४ गते भएको आम निर्वाचनमा पराजय व्यहोरेका छन् ।
राष्ट्रिय प्रजातन्त्र पार्टीका दीपक बोहोरासँग २६ सय ४२ मतको अन्तरले गृहमन्त्री खाण पराजित भएका हुन् ।
बोहोराले ३६ हजार ६४८ मत प्राप्त गरेका छन् भने खाणले ३४ हजार ६ मत पाएका छन् ।
गृहमन्त्री खाण पाँचदलीय गठबन्धनबाट नेपाली काँग्रेसका तर्फबाट उम्मेदवार थिए भने बोहोरा एमाले, राप्रपा र जसपाबीचको तालमेलका साझा उम्मेदवार थिए ।
रुपन्देही क्षेत्र नम्बर ३ (२) मा नेकपा एमालेका तुलसीप्रसाद चौधरी विजयी भएका छन् भने ३ (१) मा लोसपाका सन्तोष पाण्डेले चुनाव जितेका छन् ।
ट्रेन्डिङ
