चन्द्रागिरि नगरले माग्यो ८ जना महिलासहित २५ जना नगर प्रहरी (सूचनासहित)
Thankot Times 
थानकोट ।
चन्द्रागिरि नगरपालिकाले नगर प्रहरी सेवामा कर्मचारी माग गरेको छ ।
करार सेवाका लागि नगरपालिकाले नगर प्रहरी सेवामा दरखास्त आह्वान गरेको हो ।
छैटौं तहका लागि नगर प्रहरी निरीक्षक १ जना, नगर सहायक प्रहरी निरीक्षक चौथो तहमा एक जना र जवान पदका ८ जना महिला सहित २३ जना नगर प्रहरीका लागि दरखास्त खोलिएको नगरपालिकाले जनाएको छ।
यी पदमा साउन ८ गतेसम्म दरखास्त दिन सकिनेछ ।
योग्यता पुगेका इच्छुक नेपाली नागरिकले आफ्नो व्यक्तिगत विवरण, नेपाली नागरिकताको प्रमाणपत्र तथा शैक्षिक योग्यता र अनुभवका प्रमाणपत्र संलग्न गरी चन्द्रागिरि नगरपालिकाको कार्यालयमा बुझाउनपर्नेछ ।
नगर प्रहरी निरीक्षकका लागि ३० वर्ष पूरा भइ ४५ वर्ष उमेर ननाघेको हुनुपर्ने तथा जवानका लागि १८ वर्ष पूरा भइ ३५ वर्ष ननाघेको हुनुपर्ने बताइएको छ ।
नगर प्रहरी निरीक्षक तथा सहायक निरीक्षकका लागि सुरक्षा निकायबाट निवृत्त व्यक्तिमात्र योग्य हुने जनाइएको छ।
ट्रेन्डिङ
