तीन हजार अमेरिकी डलरसहित धादिङमा समातिए सोम बहादुर
Thankot Times
२०८० भदौ २५ गते १०:५६
थानकोट ।
अमेरिकी डलरसहित धादिङबाट एकजना पक्राउ परेका छन् ।
पक्राउ पर्नेमा सिन्धुपाल्चोकको बाह्रबिसे नगरपालिका-३ का ३८ वर्षीय सोमबहादुर योञ्जन छन् ।
आइतबार साँझ करिब साढे ६ बजे थाक्रे गाउँपालिका-१, अमलेफाँटबाट उनलाई नियन्त्रणमा लिइएको बागमती प्रदेश प्रहरी कार्यालयले जनाएको छ ।
प्रहरीका अनुसार योञ्जन सो स्थानमा पैदल हिँडिरहेका थिए ।
शंका लागी चेकजाँच गर्दा उनको साथबाट अमेरिकी डलर तीन हजार ३ सय ८ बरामद गरिएको थियो ।
उनी विरुद्ध थप अनुसन्धान गरिरहेको प्रहरीले जनाएको छ ।
ट्रेन्डिङ
