थानकोट ।

काठमाडौंमा जारी त्रिकोणात्मक क्रिकेट श्रृंखलामा नेपालले हङकङलाई २१४ रनको लक्ष्य दिएको छ ।

मूलपानी क्रिकेट मैदानमा टस जितेर पहिले ब्याटिङ गरेको नेपालले निर्धारित २० ओभरमा ६ विकेट गुमाएर २१३ रन बनायो।

कुशल मल्ल र दीपेन्द्र सिंहको विस्फोटक ब्याटिङसँगै लयमा फर्किएको नेपालले हङकङलाई २१४ रनको लक्ष्य दिएको हो ।

मुलपानी क्रिकेट मैदानमा टस जितेर ब्याटिङ रोजेको नेपालका लागि कुशल भुर्तेल र सोमपाल कामीले दोहोरो रन जोड्न सकेनन् ।

तर, नेपालको पारी सम्हालेका कुशल मल्ल र दीपेन्द्र सिंह ऐरीले १४५ रनको साझेदारी गरे ।

मल्लले ९२ रन र ऐरीले ५७ रन बनाए ।