थानकोट।

काठमाडाैंमा जारी त्रिदेशीय ट्वान्टी-२० क्रिकेट सिरिजको उपाधिका लागि नेपालले भोलि शुक्रबार युनाइटेड अरब इमिरेट्स (यूएई)को सामना गर्दैछ ।

बुधबार भएको लिग चरणको अन्तिम खेलमा हङकङसँग पराजित भए पनि नेट रनरेटका आधारमा यूएईले तालिकाको दोस्रो स्थानमा रहँदै फाइनलमा स्थान बनाएको थियो ।

नेपालले भने लिग चरणका खेलमा शतप्रतिशत नतिजासहित फाइनलको यात्रा तय गरिसकेको छ ।

फाइनल शुक्रबार कीर्तिपुरस्थित त्रिवि क्रिकेट मैदानमा हुनेछ । खेल बिहान ११ बजेबाट सुरु हुने तालिका रहेको छ ।