साफ यू-१९ महिला च्याम्पियनसीपः नेपाल र भारतबीचको खेल आज
Thankot Times
२०८० माघ २३ गते ७:२४
थानकोट ।
बङ्गलादेशमा जारी उमेर समुहको साफ यू-१९ महिला च्याम्पियनसिपको तेस्रो तथा समुहको अन्तिम खेलमा नेपालले आज भारत विरुद्ध खेल्दैछ।
ढाकाको मुस्ताफा कमल रंगशालामा यो खेल हुनेछ।
यसअघि भएको दोस्रो खेलमा भुटान विरुद्ध नेपाल १-० गोल अन्तरले विजयी भएको थियो उक्त खेलमा नेपालका तर्फबाट सेनु परियारले गरेको एक मात्र गोल नै निर्णायक बनेको थियो।
प्रतियोगिताको पहिलो खेलमा नेपाल घरेलु टोली बङ्गलादेशसँग ३-१ गोल अन्तरले पराजित भएको थियो। एक खेलमा हार र एकमा जित निकालेको नेपाल फाइनलमा पुग्ने लक्ष्य सहित मैदानमा उत्रिदैछ ।
२ खेल खेलेको नेपालको मात्र ३ अंक छ।
प्रतियोगितामा नेपाल सहित आयोजक बङ्गलादेश, भारत र भुटानले सहभागिता जनाएका छन्।
सहभागी चार टोली मध्ये शीर्ष दुई टोलीले उपाधिका लागि प्रतिस्पर्धा गर्ने छन्।
ट्रेन्डिङ
