धादिङमा गुडिरहेको ट्रकमा आगलागी
Thankot Times
२०८१ वैशाख ११ गते ११:२५
थानकोट ।
पृथ्वी राजमार्ग अन्तर्गत धादिङको गजुरी गाउँपालिका-६ बन्छेटारमा गुडिरहेको ट्रकमा आगलागी भएको छ ।
रुपन्देहीको सुनौलीबाट औषधिमा प्रयोग हुने केमिकल काठमाडौँतर्फ आउँदै गरेको ना ४ ख ८६१७ नम्बरको ट्रकमा मंगलबार बिहान आगलागी भएको हो ।
केमिकलहरु एकापसमा ठोक्किएर आगो सल्किएको हुनसक्ने चालक सुशील बिकले बताउनुभयो ।
ट्रक गुड्दागुड्दै एक्कासी सल्किएको आगो नियन्त्रणमा आउन सकेको छैन् । अहिले राजमार्गमा दुवैतर्फको सवारी आवागमन रोकिएको छ ।
धुनिवेसी नगरपालिकाबाट दमकल आउन ढिला भएकाले पनि आगो नियन्त्रणमा लिन कठिन भएको घटनास्थलमै आइपुग्नुभएका गजुरी गाउँपालिकाका अध्यक्ष गणेशलाल श्रेष्ठले बताउनुभयो ।
तस्बिरः नीलकण्ठ एफएम
ट्रेन्डिङ
