थानकोट ।
‘सबै महिला तथा बालिकाको लागि: अधिकार, समानता र सशक्तिकरण’ भन्ने  मूल नाराका साथ संसारभर विभिन्न कार्यक्रमका साथ आज एक सय १५औँ अन्तर्राष्ट्रिय महिला दिवस मनाइदैँछ ।

दिवसका अवसरमा नेकपा एमाले चन्द्रागिरि नगर कमिटिले अन्तर वडा वक्तृत्वकला आयोजना गरेेकाे छ ।

गुर्जुधारास्थित सो पार्टीको कार्यालयमा आयाेजित नेतृत्व माथिको प्रहार र हाम्रो दायित्व शीर्षककाे वक्तृत्वकलामा वडा नंं. ११ सतुङ्गलकी सरिता महर्जन पहिलाे भएकी छन् ।
प्रतियोगितामा नगरका सबै १५ वटै वडाका अध्यक्ष तथा सचिव सहभागी थिए ।

यस्तै वडा नं. १० सतुङ्गगलका सुर्य बहादुर महर्जन दाेश्राे हुँदा वडा नं. १४ नयाँ नैकापका दिपक गौतम तेस्रो भएका छन् ।प्रतियाेगिताका विजयी तथा सहभागीहरुलाई साे पार्टीका केन्द्रीय सदस्य तथा क्षेत्र न.१० इन्चार्ज सुरेन्द्र मानन्धरले पुरस्कार वितरण गरेकन थिए ।

कार्यक्रममा डा. रामहरि लम्साल तथा डा. विनाेेद मञ्जन ले निर्णायककाे भूमिका निभाएकाे नेकपा एमाले चन्द्रागिरि नगर कमिटि अध्यक्ष उत्तम बहादुर राउतले जानकारी दिए ।

तस्वीरः लेमन श्रेष्ठ