फिफा क्लब विश्वकपको सेमिफाइनल समिकरण पूरा
Thankot Times
२०८२ असार २२ गते ११:३९
थानकोट ।
अमेरिकामा चलिरहेको फिफा क्लब विश्वकपको सेमिफाइनल समिकरण पूरा भएको छ ।
शनिबार राति क्वाटरफाइनलका खेल सकिएसँगै अन्तिम चारमा पुग्ने टोलीको टुङगो लागेको हो ।
चेल्सी, फ्लुमिनेन्स, रियल म्याड्रिड र पेरिस सेन्ट–जर्मेइन (पीएसजी) सेमिफाइनलमा पुगेका छन् ।
गएरातिको खेलमा पीएसजीले बायर्न म्युनिखलाई २–० गोलले र रियल म्याड्रिडले बोरुसिया डर्टमन्डलाई ३–२ गोलले हरायो ।
त्यसअघिको क्वाटरफाइनलमा फ्लुमिनेन्सले अल–हिलाललाई र चेल्सीले पाल्मिरासलाई हराएको थियो ।
अब पहिलो सेमिफाइनलमा बुधबार चेल्सी र फ्लुमिनेन्स तथा दोस्रो सेमिफाइनलमा बिहीबार रियल म्याड्रिड र पीएसजी खेल्नेछन् ।
क्लब विश्वकपको फाइनल खेल असार ३० गते हुने छ ।
ट्रेन्डिङ
