फिफा विश्वकप फुटबल २०२६: आयोजक अमेरिकाको विजयी सुरुवात

Thankot Times

थानकोट ।

फिफा विश्वकप २०२६ मा आयोजक अमेरिकाले विजयी सुरुवात गरेको छ ।

नेपाली समयअनुसार शनिबार बिहान भएको खेलमा पाराग्वेलाई ४-१ गोलअन्तरले हराउँदै अमेरिकाले घरेलु मैदानबाट विश्वकपमा विजयी सुरुवात गरेको हो ।

लस एन्जलसमा भएको खेलमा अमेरिकाले सातौँ मिनेटमा पाराग्वेका डिफेन्डर डेमियन बोबाडिल्लाले गरेको आत्मघाती गोलमार्फत अग्रताको सुरुवात गरेको थियो ।

पहिलो हाफको ३१औँ मिनेट अमेरिकाका फोलारिन बालोगुन गोल गर्दै २-० को अग्रता कायम गरेका थिए ।

त्यसपछि पहिलो हाफको इन्जुरी समयमा बालोगुनले थप १ गोल गरी अमेरिकालाई ३-० गोलको अग्रता बनाएका थिए ।

माउरिसिओले ७३औँ मिनेटमा पाराग्वेको तर्फबाट पहिलो गरे । तर, अमेरिकाले दोस्रो हाफको इन्जुरी समयमा पनि एक गोल थप्यो ।

दोस्रो हाफको इन्जुरी समयमा अमेरिकाका जियोभानी रेयना गोल गरे ।

अन्तत: नतिजा अमेरिकाको पक्षमा पर्‍यो ।

प्रतियोगिताअन्तर्गत आज शनिबार राति १२:४५ बजे कतार र स्वीजरल्याण्ड, भोलि बिहान पाैने ४ बजे मोरक्को र ब्राजिल, भोलि बिहान पाैने ७ बजे हैटी र स्कटल्याण्ड र भोलि बिहान पाैने १० बजे अष्ट्रेलियाले टर्कीको सामना गर्ने तालिका रहेको छ ।


Leave a Reply

Your email address will not be published. Required fields are marked *

ट्रेन्डिङ