फिफा विश्वकप फुटबल २०२६: हाइटीमाथि स्कटल्यान्डको प्रभावशाली जित
Thankot Times
२०८३ जेठ ३१ गते ११:२०
थानकोट ।
जारी विश्वकप फुटबल प्रतियोगितामा स्कटल्यान्डले हाइटीमाथि प्रभावशाली जित हासिल गरेको छ ।
अमेरिकास्थित बोसटन रंगशालामा आइतबार बिहान सम्पन्न खेलमा स्कटल्यान्डले हाइटीलाई १-० गोल अन्तरले पराजित गरेको हो ।
स्कटल्यान्डका लागि जोन म्याकगिनले २१औँ मिनेटमा गोल गरेका थिए ।
उक्त गोल नै जितमा परिणत भयो ।
विश्वकपमा स्कटल्यान्ड र हाइटीको यो पहिलो खेल हो ।
प्रतियोगिता अन्तर्गत आज राति पाैने ११ बजे जर्मनीले कुराकाओको सामना गर्नेछ ।
भोलि बिहान पाैने २ बजे नेदरल्याण्ड्सले जापानको सामना गर्दा भोलि नै बिहान पाैने ५ बजे आइभरी कोष्टले इक्वेडरसँग खेल्नेछ । भोलि नै बिहान पाैने ८ बजे स्वीडेनले ट्युनिसियासँग खेल्नेछ ।
तस्बिरः फिफा
ट्रेन्डिङ
