थानकोट ।

इङ्ग्ल्यान्ड फिफा विश्वकप २०२६ को अन्तिम १६ मा प्रवेश गरेको छ ।

बुधबार राति अमेरिकाको अमेरिकाको एटलान्टा रंगशालामा भएको खेलमा डीआर कंगोलाई २-१ गोलले पराजित गरेर इङ्ग्ल्यान्ड अन्तिम १६ मा प्रवेश गरेको हो ।

इङ्ग्ल्यान्डको जितमा कप्तान ह्यारी केन नायक बने । उनले १-० गोलले पछाडि परेको आफ्नो टोलीलाई अन्तिम समयमा दुई गोल गरेर विजयी गराए । केनले खेलको ७५ र ८६औँ मिनेटमा गोल गरेका थिए ।

त्यसअघि डीआर कंगोका ब्रायन सिपेन्गाले सातौँ मिनेटमा गोल गरेका थिए ।

अब इङ्ग्ल्यान्डले क्वार्टरफाइनलमा पुग्नका लागि आयोजक मेक्सिकोसँग प्रतिस्पर्धा गर्नुपर्नेछ ।

फिफा विश्वकप २०२६ अन्तर्गत बिहीबार बिहान सकिएको खेलमा सेनेगललाई पराजित गर्दै बेल्जियम अन्तिम १६ मा प्रवेश गरेको छ।

अमेरिकाको सियातलमा भएको रोमाञ्चक खेलमा सेनेगललाई ३-२ गोलअन्तरले पराजित गर्दै बेल्जियम प्रतियोगिताको अन्तिम १६ अर्थात् प्रिक्वाटर्डफाइनलमा प्रवेश गरेको हो।

निर्धारित समयमा २-२ गोलको बराबरी भएपछि थपिएको अतिरिक्त समयको अन्तिममा पेनाल्टीमार्फत गोल गर्दै बेल्जियमले ३-२ को रोमाञ्चक जित निकालेको हो।

प्रतियोगिताअन्तर्गत अहिले आयोजक अमेरिका र बोस्निया हर्जगोभिनाबीच खेल जारी छ ।