एशियाली खेलकुद: महिला भलिबलमा नेपालकाे पहिलाे जीत
Thankot Times
२०८३ असोज ४ गते १७:५७
थानकोट ।
जापानमा चलिरहेको २०औँ संस्करणको एशियाली खेलकुदअन्तर्गत महिला भलिबलमा नेपालले किर्गिस्तानलाई ३–० को सोझो सेटमा हराएको छ ।
आज भएको वर्गीकरण चरणको खेलमा नेपालले पहिलो सेट २५–२०, दोस्रो सेट २५–१६ र तेस्रो सेट २५–२० ले जित्यो ।
अब नेपालले नवौँदेखि १२औँ स्थानका लागि हङकङसँग खेल्नेछ ।
नेपाल पदक जित्ने होडबाट बाहिरिइसकेको छ । नेपाल समूह चरणमा जापान र इन्डोनेशियासँग सोझो सेटमा पराजित भएको थियो ।
एशियाली खेलकुदमा नेपाली महिला भलिबल टोलीको यो दोस्रो सहभागिता हो । गएको संस्करणमा नेपाल पहिलो पटक सहभागी भएको थियो ।
ट्रेन्डिङ
