आज सोमबार कोशी, बागमती र गण्डकीका हिमाली क्षेत्रमा हल्का वर्षाको सम्भावना

Thankot Times

थानकोट ।

कोशी, बागमती र गण्डकी प्रदेशका हिमाली तथा पहाडी भू–भागमा आज दिउँसो आंशिक बदली रहने मौसम पूर्वानुमान महाशाखाले जनाएको छ ।

महाशाखाका अनुसार कोशी प्रदेशको हिमाली तथा पहाडी भू–भाग र बागमती तथा गण्डकी प्रदेशको हिमाली भू–भागका एक–दुई स्थानमा हल्का वर्षा तथा हिमपातको सम्भावना रहेको छ । बाँकी भू–भागमा भने मौसम मुख्यतया सफा रहनेछ ।

त्यस्तै, आज राति कोशी, बागमती, गण्डकी र लुम्बिनी प्रदेशका हिमाली तथा पहाडी भू–भागमा आंशिक बदली रहने अनुमान गरिएको छ । अन्य भू–भागमा मौसम मुख्यतया सफा रहने महाशाखाले जनाएको छ ।

रातिको समयमा तराईका भू–भाग, उपत्यका तथा खोँचहरूमा बिहानपख केही स्थानमा हुस्सु तथा कुहिरो लाग्ने सम्भावना रहेको छ ।

यसैगरी, कोशी र गण्डकी प्रदेशका हिमाली भू–भागका एक–दुई स्थानमा हल्का वर्षा तथा हिमपात हुन सक्ने महाशाखाले जनाएको छ ।


Leave a Reply

Your email address will not be published. Required fields are marked *

ट्रेन्डिङ