६ महिनामा ५४ हजारमा डेंगी संक्रमण, ६७ जनाको मृत्यु
Thankot Times
२०७९ मंसिर २५ गते १९:२८
थानकोट ।
नेपालमा पछिल्लो ६ महिनामा ५४ हजारभन्दा बढी मानिसमा डेंगी संक्रमण पुष्टि भएको छ ।
इपिडिमियोलोजी तथा रोग नियन्त्रण महाशाखाको पछिल्लो तथ्यांकानुसार जुलाई यता आज आइतबारसम्म ५४ हजार ६७ जना संक्रमित पहिचान भएका छन् ।
यो वर्ष जनवरीदेखि नै फाट्टफुट्ट ‘केस’ देखिए पनि जुलाईयता भने संक्रमणले उच्च रूप लिएको थियो ।
६ महिनामध्ये सबैभन्दा धेरै सेप्टेम्बरमा २७ हजार ५२९ जनामा डेंगी पहिचान भएको थियो । अक्टोबरमा १७ हजार ८८९, नोभेम्बरमा चार हजार ४२ र डिसेम्बर ११ सम्म १७९ जनामा डेंगी पुष्टि भएको छ ।
यो सँगै यो वर्ष डेंगी संक्रमितको संख्या ५४ हजार २३२ पुगेको महाशाखाले जनाएको छ ।
महाशाखाका अनुसार यो ६ महिनामा डेंगी संक्रमणका कारण ६७ जनाको मृत्यु भएको छ ।
ट्रेन्डिङ
