थानकोट ।

आर्थिक वर्ष २०८१-८२ का लागि काठमाडौं महानगरपालिकाले २५ अर्ब ७० करोड ६३ लाख २५ हजार रूपैयाँको बजेट विनियोजन गरेको छ ।

सोमबार महानगरको १५औं नगरसभा बैठकमा उपप्रमुख सुनिता डंगोलले उक्त बजेट विनियोजन गरेकी हुन् ।

महानगरले आगामी आर्थिक वर्षमा ११ वटा गौरवका योजना अगाडि सारेका छ । त्यसका लागि ३ अर्ब बजेट विनियोजन गरिएको उपप्रमुख डंगोलले जानकारी दिएकी छन् ।

त्यस्तै काठमाडौं महानगरपालिकाले २ अर्ब बराबरको ३० वटा स्वर्णिम योजना ल्याएका छ ।

जसमा ढलरहित नदीलगायत रहेका छन् ।

काठमाडौँ महानगरले चालु आर्थिक वर्षका लागगि २४ अर्ब ८ करोडको बजेट प्रस्तुत गरेको थियो ।

चालु आर्थिक वर्षमा महानगरले १० अर्ब ८० करोडको राजस्वसहितको आम्दानी गरेको र हाल महानगरको बैंक खातामा १३ अर्ब २३ करोड रहेको डंगोलले जानकारी दिएकी छन् ।

महानगरले चालु आर्थिक वर्षको बजेटको ९ अर्ब ३३ करोड मात्र खर्च गरेको उपमयेर डंगोलले बताएकी छन्, जुन कुल बजेटको ३९ प्रतिशत मात्र हो ।