थानकोट ।

डिशहोमले आफ्नो भर्चुअल प्रिभिलेज कार्डमार्फत नेपालकै प्रमुख पर्यटन गन्तव्य चन्द्रागिरि हिल्ससँग साझेदारी गरेको घोषणा गरेको छ ।

उक्त साझेदारीमार्फत, सक्रिय डिशहोम ग्राहकहरूले अब चन्द्रागिरि केबलकार टिकटमा १० प्रतिशत छुट पाउनेछन्।

काठमाडौँ उपत्यकाको सुन्दर दृश्य, ऐतिहासिक महत्व र प्राकृतिक सौन्दर्यका कारण प्रसिद्ध चन्द्रागिरि हिल्स काठमाडौँ उपत्यकाबाट छिटो पुगिने प्रमुख पर्यटन गन्तव्य हो ।

उक्त साझेदारीले डिशहोमका ग्राहकहरूले छुटसहित चन्द्रागिरि हिल्सको अनुभव लिन सक्ने अवसर प्रदान गर्दछ।

सम्झौतासँगै चन्द्रागिरि केबलकार टिकटमा १० प्रतिशत छुट उपलब्ध हुनेछ भने सो छुट माइ–डिशहोम एपमार्फत सक्रिय ग्राहकहरूका लागि उपलब्ध हुने बताइएको छ ।

छुट लिनका लागि के गर्ने ? 

१. माइ डिशहोम एप प्ले स्टोर वा एप स्टोरबाट डाउनलोड गर्नुहोस्।

२. आफ्नो दर्ता भएको मोबाइल नम्बर वा ग्राहक आईडी प्रयोग गरी लग–इन गर्नुहोस्।

३. होम पेज वा प्रोफाइल सेक्सनबाट भर्चुअल प्रिभिलेज कार्ड खोल्नुहोस्।

४. चन्द्रागिरि हिल्सको केबलकार टिकट किन्ने बेला कार्ड देखाएर छुट प्राप्त गर्नुहोस्।

सो साझेदारीलाई औपचारिकता दिने क्रममा चन्द्रागिरि हिल्सका सेल्स एण्ड मार्केटिङ प्रमुख प्रभाकर खड्का डिशहोमका चिफ, न्यु प्रोडक्ट डेभ्लपमेन्ट एन्ड इन्टिग्रेसन अफिसर, सबिन महर्जनबिच एमओयूमा हस्ताक्षर गरेका हुन् ।

“यो साझेदारीले हाम्रो ग्राहकहरूलाई केवल डिजिटल कनेक्सन मात्र नभई, नेपालका उत्कृष्ट पर्यटन अनुभवमा पनि छुटसहित पहुँच प्रदान गर्नेछ,” डिशहोमका सिइओ तारा मानन्धरले भने ।

डिशहोमको भर्चुअल प्रिभिलेज कार्ड ग्राहकहरूलाई डाइनिङ, आतिथ्य, यात्रा, मनोरञ्जन र लाइफस्टाइल क्षेत्रमा विशेष छुट र सुविधा प्रदान गर्नका लागि सुरु गरिएको हो ।

कम्पनीले आगामी महिनाहरूमा अझ धेरै शीर्ष ब्रान्डहरूलाई यस कार्यक्रममा समावेश गर्ने योजना बनाएको छ।