जेन-जी आन्दोलनमा मृत्यु भएका ४५ जनालाई शहीद घोषणा गर्ने सरकारको निर्णय (सूचीसहित)

थानकोट ।

सरकारले गत भदौ २३ र २४ गते गरिएको प्रदर्शनका क्रममा मृत्यु भएका ४५ जना व्यक्तिहरुलाई शहीद घोषणा गर्ने निर्णय गरेको छ ।

सोमबार बसेको मन्त्रिपरिषद्को बैठकले सुशासन तथा भ्रष्टाचार नियन्त्रणका माग राखि जेन-जी पुस्ताद्वारा गरिएको प्रदर्शनका क्रममा काठमाडौंलगायत मुलुकका विभिन्न भागमा मृत्यु भएका ४५ जना व्यक्तिहरुलाई राज्यको तर्फबाट शहीद घोषणा गर्ने निर्णय गरेको सरकारका प्रवक्ता तथा सञ्चार तथा सूचना प्रविधिमन्त्री जगदिश खरेलले जानकारी दिए ।

उनले भने,‘सुशासन तथा भ्रष्टाचार नियन्त्रणका माग राखि जेन-जी पुस्ताद्वारा २०८२ भदौ २३ र २४ गते गरिएको प्रदर्शनका क्रममा काठमाडौं लगायत मुलुकका विभिन्न भागमा मृत्यु भएका ४५ जना व्यक्तिहरुलाई राज्यको तर्फबाट शहीद घोषणा गर्ने निर्णय गरेको छ, अन्य थपको पनि अध्ययन हुँदैछ ।’

त्यस्तै उनले वैदेशिक रोजगार न्यायाधिकरणको सदस्यमा सहन्यायाधिवक्ता घनश्याम ओझालाई तोक्ने निर्णय भएको पनि जानकारी दिए ।

गृह मन्त्रालय लगायत सरोकारवाला निकायबाट गरिएको अध्ययनपछि अहिले ४५ जनालाई शहीद घोषणा गरिएको प्रवक्ता खरेलले बताए ।

शहीद घोषणा गरिएकाहरूको विवरण :

क्र.सं. नाम, थर ठेगाना

१ बुद्धिबहादुर तामाङ कीर्तिपुर-२ काठमाडौं

२ सन्तोष बिश्वकर्मा बेलका-४ उदयपुर

३ सुलभ राज श्रेष्ठ नेपालगञ्ज-१ बाँके

४ श्रीयम चौलागाई बेलबारी-११ मोरङ

५ ईस्वत बहादुर अधिकारी का.म.पा -११ काठमाडौं

६ आयुष थापा नेपालगन्ज-१ बाँके

७ गौरब जोशी धनगढी-५ कैलाली

८ योग बहादुर श्रेष्ठ बारविसे-६ सिन्धुपाल्चोक