सरोजकुमार यादव मधेश प्रदेशको मुख्यमन्त्री नियुक्त
Thankot Times
२०८२ कार्तिक २४ गते ७:५३
थानकोट ।
सरोजकुमार यादव मधेश प्रदेशको मुख्यमन्त्रीमा नियुक्त भएका छन् ।
नेकपा एमाले मधेश प्रदेश संसदीय दलका नेतासमेत रहेका यादवलाई प्रदेश प्रमुख सुमित्रा सुवेदी भण्डारीले हिजो (कार्तिक २३) मुख्यमन्त्रीमा नियुक्त गरेकी हुन् ।
प्रदेश प्रमुख भण्डारीले यादवलाई नेपालको संविधानको धारा १६८ को उपधारा ३ बमोजिम मुख्यमन्त्री पदमा नियुक्त गरेकी हुन् ।
लोकतान्त्रिक समाजवादी पार्टी (लोसपा)का जितेन्द्र सोनलले राजीनामा दिएपछि मधेशको मुख्यमन्त्री पद रिक्त थियो ।
प्रदेश सभामा ठूलो दलको हैसियतमा भण्डारीले यादवलाई मुख्यमन्त्रीमा नियुक्त गरेकी हुन् ।
मुख्यमन्त्री यादवले आइतबार नै सपथ लिएका छन् ।
ट्रेन्डिङ
