नेपाल ‘ए’ले आज मुलपानी मैदानमा स्कटल्याण्डसँग एक दिवसीय क्रिकेट प्रतियोगिता खेल्दै
Thankot Times
२०८३ वैशाख २४ गते ९:०८
थानकोट ।
नेपाल ‘ए’ले आज स्कटल्याण्डसँग एक दिवसीय क्रिकेट प्रतियोगिता खेल्दैछ ।
मुलपानी क्रिकेट मैदानमा बिहान सवा ९ बजे खेल शुरु हुने नेपाल क्रिकेट सङ्घ (क्यान)ले जनाएको छ ।
आईसीसी विश्वकप क्रिकेट लिग–२ खेल्न नेपाल आएका अमेरिका र स्कटल्याण्ड टोलीसँग नेपाल ‘ए’ले अभ्यास शृङ्खला खेल्दैछ ।
नेपाल ‘ए’ले स्कटल्याण्ड र अमेरिकासँग दुई/दुई अभ्यास खेल खेल्नेछ ।
क्यानले सार्वजनिक गरेको तालिकाअनुसार शृङ्खलाको दोस्रो खेलमा नेपालले भोलि अमेरिकाविरुद्ध खेल्नेछ । त्यसपछि पर्सि फेरि स्कटल्याण्डसँग प्रतिस्पर्धा गर्ने तालिका छ ।
नेपाल ‘ए’को चौथो तथा अन्तिम खेल आउँदो सोमबार अमेरिकासँग हुनेछ ।
आउँदो वैशाख २८ गतेदेखि जेठ ८ गतेसम्म नेपाल, अमेरिका र स्कटल्याण्डबीच त्रिवि क्रिकेट रङ्गशालामा आईसीसी विश्वकप क्रिकेट लिग-२ प्रतियोगिता हुँदैछ ।
ट्रेन्डिङ
