थानकोट ।

काठमाडौँ महानगरपालिका-१४ स्थित कलङ्कीबाट प्रहरीले खैरो हेरोइनसहित एक जना युवकलाई पक्राउ गरेको छ ।

पक्राउ पर्नेमा बलम्बु घर भएका २५ वर्षीय युवा रहेका केन्द्रीय प्रहरी समाचार कक्षले जनाएको छ ।

सोमबार उपत्यका अपराध अनुसन्धान कार्यालय र प्रहरी वृत्त कालिमाटीबाट खटिएको प्रहरीले उनलाई पक्राउ गरेको हो ।

आरोपीको साथबाट २ ग्राम ४ मिलिग्राम खैरो हेरोइन बरामद गरिएको प्रहरी वृत्त कालिमाटीका डीएसपी नरेश सिंहले जानकारी दिए ।

आरोपीले खैरो हेरोइन ओसारपसारमा प्रयोग गर्दै आएको स्कुटर र एउटा मोटरसाइकल पनि प्रहरीले बरामद गरेको छ ।

घटनाबारे प्रहरी वृत्त कालिमाटीले अनुसन्धान गरिरहेको छ ।