थानकोट । 

चन्द्रागिरि नगरपालिका-२ नागढुङ्गाबाट नियन्त्रित लागूऔषध ट्रामाडोलसहित २ जना पक्राउ परेका छन् । 

केन्द्रीय प्रहरी समाचार कक्षका अनुसार १ सय २० ट्याब्लेट सहित उनीहरूलाई बिहीबार राति प्रहरीले पक्राउ गरेको हो ।

पक्राउ पर्नेहरूमा रूबिन सुनार र सन्तोष तामाङ रहेका छन् ।

लागूऔषध नियन्त्रण ब्यूरो शाखा कार्यालय नागढुङ्गा समेतबाट खटिएको प्रहरीले उनीहरूको कोठा तलासी गर्दा उक्त लागूऔषध फेला पारी पक्राउ गरेको हो । 

यस बारेमा प्रहरी वृत्त थानकोटबाट थप अनुसन्धान भइरहेको प्रहरीको भनाइ छ ।

फाइल फोटो