आज शुक्रबार देशभरको मौसम मुख्यतया सफा रहने महाशाखाको पूर्वानुमान

Thankot Times

थानकोट ।

देशका कोशी र मधेश प्रदेशमा आज दिउँसो आंशिक बादल लाग्ने मौसम पूर्वानुमान महाशाखाले जनाएको छ ।

बाँकी भू–भागमा भने मौसम मुख्यतया सफा रहने महाशाखाको पूर्वानुमान छ ।

महाशाखाका अनुसार आज राति पनि कोशी र मधेश प्रदेशमा आंशिक बदली रहनेछ भने अन्य प्रदेशमा मौसम मुख्यतया सफा रहनेछ ।

त्यस्तै, रातिको समयमा तराईका भू–भाग, उपत्यका तथा खोँचहरूमा बिहानपख थोरै स्थानमा हुस्सु तथा कुहिरो लाग्ने सम्भावना रहेको छ ।

महाशाखाले मौसमको अवस्थाबारे जानकारी राख्न तथा हुस्सु र कुहिरोका कारण हुन सक्ने सम्भावित असरप्रति सतर्क रहन आग्रह गरेको छ ।


Leave a Reply

Your email address will not be published. Required fields are marked *