चन्द्रागिरि साकोसले आयोजना गरेको रक्तदानमा उल्लेख्य सहभागिता
Thankot Times
२०७९ वैशाख ३ गते १९:१३
थानकोट, वैशाख ३ ।
थानकोट चेकपोष्टस्थित चन्द्रागिरि सहकारीले स्थापनाको २१औं वार्षिकोत्सवको अवसरमा आयोजना गरेको रक्तदान कार्यक्रममा ९३ जनाले सहभागिता जनाएका छन् ।
कान्तिपुर अस्पताल रक्तसञ्चार सेवाको प्राविधिक सहयोगमा संस्थाको प्राङ्गणमा शनिबार आयोजित रक्तदान कार्यक्रममा संस्थाका सदस्य एवं शुभेच्छुकहरूको सहभागिता रहेको बताइएको छ ।
१८ हजार भन्दा धेरै शेयर सदस्य रहेका चन्द्रागिरि सहकारीले स्थापना दिवसका अवसरमा वर्षेनी रक्तदान कार्यक्रम लगायतका सामाजिक उत्तरदायित्वका कार्यक्रमहरू आयोजना गर्दै आएको छ ।
२०५८ वैशाख ६ गते स्थापना भएको चन्द्रागिरि सहकारी मुलुकभरका उत्कृष्ठ सहकारीका रूपमा परिचित छ ।
📢 थानकोट टाइम्समा प्रकाशित कुनै सामग्री पुनः प्रेषित गर्दा अनिवार्य रूपमा श्रोत खुलाउन पर्नेछ । साथै, थानकोट टाइम्समा प्रकाशित कुनै सामग्रीबारे गुनासो एवं जानकारी भए [email protected] मा इमेल गर्न हुन अनुरोध गर्दछौ ।
ट्रेन्डिङ
